ATM లో డబ్బులు ఇరుక్కుపోయాయా? ఈ 5 చిట్కాలతో మీ డబ్బును తిరిగి పొందండి!

Highlights

ATMలో డబ్బులు ఇరుక్కుపోయాయా? ఈ 5 చిట్కాలతో మీ డబ్బును తిరిగి పొందండి! | ATM Cash Stuck Tips 2025

ఈ మధ్య కాలంలో చాలామంది UPI లావాదేవీలనే ఎక్కువగా ఉపయోగిస్తున్నారు. కానీ కొన్ని సందర్భాలలో నగదు అవసరం అవుతుంది. ముఖ్యంగా, నెట్‌వర్క్ సమస్యలు లేదా సాంకేతిక లోపాలు వచ్చినప్పుడు ఏటీఎంకి వెళ్లి డబ్బు తీసుకోవడం తప్పనిసరి. మీరు డబ్బు విత్‌డ్రా చేసేటప్పుడు ఏటీఎంలో డబ్బు ఇరుక్కుపోయి, మీ ఖాతాలో డబ్బులు కట్ అయితే ఏం చేయాలో తెలుసుకుందాం. చాలామందికి ఈ అనుభవం ఎదురై ఉంటుంది.

ఏటీఎంలో డబ్బు ఇరుక్కుపోతే ఏం చేయాలి?

మీరు ఏటీఎంలో డబ్బు విత్‌డ్రా చేసేప్పుడు డబ్బు ఇరుక్కుపోయి, మీ అకౌంట్ నుంచి డబ్బులు కట్ అయితే, ముందుగా ఆ ట్రాన్సాక్షన్ రసీదును (Transaction Slip) తీసుకోండి. ఒకవేళ మీకు రసీదు రాకపోతే, మీ ఫోన్‌కు వచ్చిన SMS లేదా మీ బ్యాంక్ అకౌంట్ స్టేట్‌మెంట్‌ను ఉపయోగించి బ్యాంక్‌లో ఫిర్యాదు చేయండి. బ్యాంక్ అధికారులు 24 గంటల్లోపు డబ్బు తిరిగి ఇవ్వకపోతే, వెంటనే మీరు కస్టమర్ కేర్‌ను సంప్రదించాలి.

Oppo Find X9 series 2025: 200MP కెమెరాతో మైండ్‌ బ్లోయింగ్ ఫోన్ రెడీ!

ఫిర్యాదు చేయడానికి అవసరమైన వివరాలు

ఏటీఎం లొకేషన్: మీ డబ్బు ఏ ఏటీఎంలో ఇరుక్కుపోయిందో దాని లొకేషన్.
తేదీ, సమయం: మీరు డబ్బు విత్‌డ్రా చేసిన తేదీ మరియు సమయం.
ట్రాన్సాక్షన్ వివరాలు: ఏటీఎం ట్రాన్సాక్షన్ రసీదు లేదా SMS వివరాలు.
ఎర్రర్ ఫోటో: వీలైతే, ఏటీఎంలో కనిపించిన ఎర్రర్ సందేశాన్ని ఫోటో తీసి పెట్టుకోండి.

ఫిర్యాదు ఎలా చేయాలి?

మీరు మొదటగా మీ బ్యాంకు కస్టమర్ కేర్‌కు కాల్ చేసి మీ సమస్యను వివరించవచ్చు. ఒకవేళ కాల్ ద్వారా సమస్య పరిష్కారం కాకపోతే, మీ బ్యాంకు శాఖకు వెళ్లి లిఖితపూర్వక ఫిర్యాదును దాఖలు చేయవచ్చు. లేదా, బ్యాంక్ అధికారిక వెబ్‌సైట్ ద్వారా ఆన్‌లైన్‌లో కూడా ఫిర్యాదు చేయవచ్చు. ఏటీఎంలో డబ్బు ఇరుక్కుపోయింది అని కచ్చితంగా చెప్పాలి.

సాధారణంగా ఇలాంటి సమస్యలు 7 నుంచి 10 రోజుల్లో పరిష్కారం అవుతాయి. భారతీయ రిజర్వ్ బ్యాంక్ (RBI) నిబంధనల ప్రకారం, బ్యాంకులు 45 రోజులలోపు మొత్తాన్ని తిరిగి చెల్లించాలి. ఈ గడువు తర్వాత కూడా మీ డబ్బు తిరిగి రాకపోతే, బ్యాంకులు ఆ మొత్తానికి వడ్డీతో సహా కస్టమర్‌కు తిరిగి ఇవ్వాలి. కాబట్టి ఏటీఎంలో డబ్బు రాకపోతే ఏం చేయాలి అని టెన్షన్ పడకుండా, పైన తెలిపిన పద్ధతులను అనుసరించండి.